Diskógleraugu... yndislegt trend!

Veit ekki afhverju en ég fyllstist allt í einu þeirri löngun um að blogga um diskógleraugu. Þetta var alveg magnað tísku-trend! Fyrir diskógleraugu voru gleraugu bara gleraugu en svo breytist það og gleraugu urðu partur af fylgihlutum tískunnar. Í dag koma og fara gleraugnaumgjarðir í tísku, svoldið dýr tíska ef maður ætlar alltaf að versla sér nýjustu Diesel eða Dolce (frábær nöfn á hunda, langar feitast að eiga hunda sem heita Diesel og Dolce) gleraugun, en margt er á sig lagt fyrir útlitið!

Ein daman sem ég vinn með hér á næturvöktum kemur stundum í vinnuna með diskógleraugu, mér til mikillar ánægju! Samt sagði hún mér að hún hefði verið meira pönk heldur en diskó, en það voru víst ekki til nein pönk-gleraugu, synd. Hugsið ykkur hvernig svona pönk gleraugu hefðu litið út!?! Svoldið spes, en mættu allst ekki skyggja á öryggisnæluna í augnabrúninni eða flottu dökku baugana.

Ég sé náttúrulega eins og blindur kettlingur, það er ríkjandi í minni fjölskyldu. Dags daglega geng ég með linsu af því að litlir putar komust í flottu Diesel gleraugun mín og algjörlega rústuðu þeim. Þegar ég var yngri fór ég oft til Reykjavíkur í heimsókn til Siggu frænku. Ég og Sigga fór oft í bíó saman, enda með eiginlega alveg sama smekk á kvikmyndum, nema að hún gat horft á Lord of the Ring en ekki ég, einfaldlega langdregnar og vel mjólkaðar myndir, en hvað um það. Það var eitt sinn sem við ákváðum að skella okkur saman í bíó en ég hafði gleymt gleraugunum mínum heima í Þorlákshöfn. Fór þá Sigga frænka að gramsa í dótinu sínu og gróf upp þessi æðislegu gleraugu, diskógleraugu! Við Sigga eigum margt sameiginlega og eitt af því er okkar ættgenga sjóndepra og passaði styrkleiki diskógleraugnanna einmitt fyir mig. Ég passaði mig að setja gleraugun ekki upp fyrr en í bíósalinn var komið og öll ljós voru slökkt. Á þessum tíma fannst mér diskógleraugu ekki svöl.... en í dag finnst mér það!

Ég mæli með að komið verði á fót alþjóðlegum diskógleraugna degi. Degi þar sem allir ganga með diskógleraugu. Degi þar sem verður dansað og sungið vel valda slagara með BeeGees og Donnu Summer (Helgu Möller sem líkar betur við það) og dansað aka John Travolta "Saturday Night Fever" style! Rifja upp Hollywood stemningun!

Hver er með segið

!Le Freak!

og komið með til "Boogie Wonderland" og allir

"Knock, knock, knock on wood"

Ave

Henný  

 

Athugasemdir

[Rúna Guðfinnsdóttir, 26.1.2008 kl. 01:23]

Ég vissi ekki að þú værir með linsur! Ég kaupi mín gleraugu einfaldlega í Bónus eða á næstu bensínstöð! Ég lít ekki einu sinni í spegil þegar ég máta þau...bara athuga hvort þau sitji sæmilega rétt á nefinu á mér.

Sammála með Lord of the Rings myndirnar...afar langdregnar og skilja ekkert eftir sig...svona frá mínum bæjardyrum séð! 

Góð hugmynd með einhverskonar gleraugnahátíð!!!  Styð hana!

[Ólöf Anna Brynjarsdóttir, 27.1.2008 kl. 12:27]

Ég er til í svona gleraugnafestival. Ég á ógeðslega flott sólgleraugu..

Hvernig var á blótinu hjá ykkur?

[Sigríður Sigurðardóttir, 28.1.2008 kl. 19:33]

  OH,oh,oh staying alive!  Ekkert mál frænkubeibí.  Skal erfa þig að "diskógleraugunum" mínum....með hraði! "You can tell by the way I use my walk, I'm a woman's man......Diskóið rokkar!!  Bara mergjaður tími, diskóið!   Úúúú beibí, knock, knock, knock on wood.....