Skrítið lið

Þar sem ég bý í Þorlákshöfn, á suðvesturlandi, þar sem Selfoss er Mekka og hinir staðirnir eru bara eitthverjir útnárar, samkvæmt Selfyssingum, get ég ekki neitað að ég hef orðið vör við þessa svokölluðu hnakka! Eftir miklar athuganir þá komst ég að því að það að vera hnakki er bara að vera eins og allir hinir hnakkarnir. Svoldið spes að vilja vera þannig.

Fór í kringluna um daginn og þar var alveg yfirgengilega mikið af svona hópum af "eins" stelpum. Allar annað hvort geðveikt brúnar með alveg svart eða alveg aflitað ljóst hár, málað eins og Frank 'n' Futher og eitthvað svona shiny og skinný! ... og í eins fötum "Hey allir, útsala í 17" dæmi í gangi sko!

Karlkyns hnakkarnir eru meira svona það sem við kölluðum "hommalega" félaga hér áður fyrr. Aflitað hár, mikil brúnka og það er ok ef hún mistókst og varð smá appelísnugul fyrir vikið. Alvöru svoleiðis hnakki keyrir um á gulri Honda Civic eða Subaro Impreza með spoiler dæmi og sprakling felgum...

Ég gerði svona tilraun og fór að tala við eina svona hnakkastelpu í vinnunni, það var áskorun af því að hún talaði eiginlega ekki alveg sama tungumál og ég.... sitthvor sveitin!

Munið eftir myndinni með drengnum með tárið sem lekur niður kinnina? Alltaf þegar ég sé þessa mynd dettur mér í hug sveitabær á 7. áratugnum þar sem kallarnir eru með barta og konurnar vilja allar vera eins og Jane Fonda. Ætli að eftir nokkra tugi ára þegar ég sé mynd af Hondu Civic eða einstakling með misheppnaða brúnku að ég hugsi um hnakkana?

Athugasemdir

[anna frænka (IP-tala skráð) 9.1.2008 kl. 19:50]

hei áttum við nokkurn tímann svona mynd af grátandi strák, held ekki.allt í orden hér annars, var þetta smart útsala í 17'? ég ætla að lita mig alveg ljósa , farðu í svarta litinn ,fer þér betur.

[Ólöf Anna Brynjarsdóttir, 9.1.2008 kl. 20:49]

AHAHAHAHAHAHAHAHAHA!!

Snilldar blogg Henný mín.. Sakna þín  :*

[Sigríður Sigurðardóttir, 11.1.2008 kl. 21:11]

  Ó, jú!  Víst var til mynd af dregnum "með tárið" á okkar heimili.  Afi þinn aumkaði sig yfir "sölumannshnakka" á áttunda áratugnum, og verslaði eitt stykki.  Gott ef rammadruslan brotnaði ekki í einhverjum djöfulgangi okkar systra, og myndin bar aldrei sit barr aftur eftir það.  Lenti svo á áramótabrennu, þegar afi þinn var búin að geyma myndina í innigeymslunni í 20 ár......svo kannski hefurðu séð hana heima!

  Selfoss=Mekka!!  HJÁLP!!!!

[HerdíZ (IP-tala skráð) 19.1.2008 kl. 20:35]

Sæl og blessuð Henný, haha ég fann síðuna þína, þakka fyrir addið á myspace  En snilldargrein annars, vel orðað!

Kv. Herdís ''hnakki'' sem keyrir um á subaru imprezu!!!  Síja í vinnunni!