Ofsótt af tælenskum strák!

 Hafið þið eitthverntíman lent í því að vera með lag á heilanum sem þið eigið ekki en ykkur langar sjúklega mikið til þess að hlusta á og syngja í gegn til þess að hætta með það á heilanum? Ég er í þannig klípu núna, er búin að vera með "Litli tælenski strákur" á heilanum í tvo daga og ég næ honum bara ekki í burt, hann er svoleiðis búinn að líma sig fastan á heilan á mér, litli tælenski strákurinn! Svo er líka alls ekkert þægilegt að vera að raula þetta lag í tíma og ótíma þar sem fólk gæti haldið að ég væri með eitthverja rasistafordóma...

 

Ég er kanski eitthvað að raula fyrir Týra litla, 18. mánaða son minn, og svo breytist raulið allt í einu í lag um tælenskan strák, góður boðskapur eða hitt þó heldur! Eða ég er kanski að mata eitthvern í vinnunni og raulandi tælenska strákinn, það gleður sko samstarfsfólkið mitt, sem er margar hverjar mjög til baka íhaldssamar kjaftakerlingar....

Ég held barasta að ég sé ofsótt! Það er lítill tælenskur strákur að ofsækja heilann minn og hann lætur mig ekki vera, not for a few seconds.... Ætli hann sé kominn til að vera? Er ég andsetin af litlum tælenskum strák!?!

 

 

 

 

Athugasemdir

[Sigríður Sigurðardóttir, 31.7.2007 kl. 14:07]

  Tælenski ...hvað!?  Reyndu "allan Latarbæjardiskinn" pikkfastan í hausnum á þér nótt eftir nótt!  "Tuttugu upp tuttugu niður....hátt upp í himinn þar bíður geimurinn.....lífið það er ljúft á sjó....Balli spæjó" allt í einum ekkisens hrærigraut!  Ég á mér enga von um sæmilega "dramatískt" undirspil við draumana mína lengur!  Heilabilun í algleymingi!

  En flott mynd af litla frænda!